Është themeluar në fillim të vitit 2024 nga një grup praktikantësh të rinj të ligjit, me një pikësynim të qartë për krijimin e një firme ligjore nivelit të parë, një laborator dhe qendër kërkimi e diagnostikimi ligjor shumëplanësh, e aftë që të ofrojë zgjidhje ligjore novatore, të përshtatshme për problematikat dhe ekzigjencat e çdo klienti.

Accura Law Office ofron shërbime avokatore për një gamë të gjerë fushash të së drejtës publike dhe private shqiptare dhe asaj ndërkombëtare, por fokusi i saj kryesor është këshillimi dhe ndihma ligjore e kompanive dhe bizneseve që ushtrojnë aktivitetin tregtar në fusha të ndryshme në Shqipëri, si ato të industrisë, tregtisë, turizmit, ndërtimit, zhvillimit dhe tregut të pasurive të patundshme, bankave, fondeve të investimit, për çështje civile, tregtare, tatimore, administrative, penale dhe kushtetuese. Ndonëse zyra jonë ofron shërbime ligjore për çdo subjekt të së drejtës, individ apo grup individësh me nevoja ligjore, primare për ne si firmë ligjore është ndihma në zhvillimin e biznesit. Pyetja e parë që ne i bëjmë vetes me secilin klient që na paraqitet për ndihmë ligjore është: “cili është rezultati më i mirë që mund të ofrojmë për nevojat e tij?”

Zyrat qendrore të ushtrimit të aktivitetit të firmës tonë ligjore janë në qytetin e Shkodrës, por shërbimet tona të këshillimit dhe përfaqësimit ligjor ofrohen në të gjithë territorin e Republikës së Shqipërisë, për të gjithë individët apo kompanitë që kanë nevojë për ndihmë juridike në çdo fushë të ligjit vendas. Firma jonë i kushton një vëmendje të veçantë mbrojtjes dhe promovimit të të drejtave të njeriut dhe zhvillimit të procesit të rregullt ligjor, ku përmes bashkëpunimit të ngushtë me partnerë tanë të spikatur, ofrojmë këshillim dhe mbrojtje ligjore të nivelit më të lartë në Gjykatën e Lartë, atë Kushtetuese dhe përpara Gjykatës Europiane për të Drejtave të Njeriut (dhe me bërjen pjesë të juridiksionit të saj, edhe përpara Gjykatës Europiane të Drejtësisë). Realizimi i aplikimeve të suksesshme dhe përfaqësimi para gjykatave ndërkombëtare, apo ndjekja e rrugëve të Arbitrazhin ndërkombëtar konfirmon angazhimin tonë për të ndjekur deri në fund njohjen dhe realizimin e të drejtave dhe interesave të klientëve që na besojnë.